粤语民谣




月光光
月光光,照地堂
虾崽你乖乖训落床
听朝阿妈要捕鱼虾啰
阿爷看牛要上山坡
阿崽你快高长大啰
帮手阿爷去看牛羊
月光光,照地堂
虾崽你乖乖训落床
听朝阿妈要捕鱼虾啰
阿嫲织网要织到天光
虾崽你快高长大啰
撑艇撒网就更在行

点虫虫
点虫虫,虫虫飞
飞到荔枝基
荔枝熟,摘满屋
屋满红,陪住个细蚊公

氹氹转
氹氹转,菊花圆
炒米饼,糯米团
阿妈叫我睇龙船
我吾睇,睇鸡仔
鸡仔大,摞去卖,卖得几多钱
卖得三百六十五个仙


猜呈沉
月光光 照地堂 年卅晚 买槟榔
槟榔香 买紫姜 紫姜辣 买芙笪
芙笪苦 买猪肚 猪肚肥 买牛皮
牛皮薄 买菱角 菱角尖 买马鞭
马鞭长 买屋梁 屋梁高 买把刀
刀切菜 买锅盖 锅盖圆 买只船
船头高 船尾矮 浸死两个番鬼仔
一个浮头 一个浸底

大笨象
大笨象,揸支枪,
去打仗,打完仗
返嚟食碗辣椒酱,
隔篱屋企烧炮仗
问你响唔响,唔响升你两巴掌

排排坐
排排坐,吃果果,
猫衣担凳比姑婆坐,
坐烂个屎忽,唔好赖我,
赖番隔离个二叔婆。

打开蚊帐
打开蚊帐,打开蚊帐
有只蚊,有只蚊
快啲攞把扇嚟,快啲攞把扇嚟
泼走佢,泼走佢


萝卜头
萝卜头,点豉油,
点得多,咸过头,
点得少,淡茂茂。
佢以为,好正斗,
点不知,畀人踢箩柚,
一踢踢到西门口。

肥仔个头
肥仔个头,大过五层楼
肥仔只手, 细过荷兰豆
肥仔嘅屎窟,屙豆豆


落雨大
落雨大,水浸街
阿哥担柴上街卖
阿嫂出街着花鞋
花鞋花袜花腰带
珍珠蝴蝶两边排


卖羊卖咩
卖羊卖咩,
卖到老鼠担遮。
狗仔忙住去拉蛇,
蛇摆尾,似风车,
风车氹氹转,
番鬼扒龙船。
扒得快,好世界,
扒得摩,无鼻哥。

肥佬肥揗揗
肥佬肥揗揗,
买舊猪肉去拜神,
行到半路屎窟痕,
返到屋企瓜老衬。

猪婆婆
猪婆婆,
卖菠萝,
卖畀地主做老婆。
地主唔要佢,
一脚将佢踢落河。
执翻上嚟晕酡酡。


伏匿匿
一就预备,
二就匿埋,
三就开盘,
四就嚟到,
砰到算数。

煮饭仔仔
煮饭仔仔先落米,
风炉透火柴对齐,
千祈唔好咁拿西,
千祈唔好咁拿西。

麻鹰飞
折纸机,
麻鹰飞,
飘嚟飘去唔落地,
麻鹰有条尾。

落雨溦溦
落雨溦溦,
水浸田基。
吓亲大老爷。
大老爷揸支枪,
吓亲个缠脚娘。

河边有只羊
河边有只羊,
羊边有只象,
象边有只马骝仔,
好似你咁样。

摇摇摇
摇摇摇,赶水过沙桥,
沙桥有螺执,搵眼针嚟挑,
细路哥唔要,畀只大香蕉
引到BB哈哈笑。



相关推荐

发表评论

路人甲

网友评论(0)